தேவகோட்டை நகர இணையதளம்

தேவகோட்டை, ஆக. 10: சிவகங்கை மாவட்டம், தேவகோட்டையில் தகராறில் இளைஞர் ஒருவர் திங்கள்கிழமை இரவு குத்திக் கொலை செய்யப்பட்டார்.

தேவகோட்டை நடராஜபுரம் பகுதியைச் சேர்ந்தவர் முத்து. தி.மு.க. நகர துணைச் செயலாளர். இவர் ஒலிபெருக்கி வைத்து தொழில் செய்து வருகிறார். இவரது மகன் கார்த்திகேயன் (20) (படம்). இவர், அவரது வீட்டருகே திருவிழா நடைபெறும் முத்துமாரியம்மன் கோயில் அருகே திங்கள்கிழமை இரவு 10 மணியளவில் நின்று கொண்டிருந்தார். அப்போது அங்குவந்த ஜெயராம் மற்றும் அவரது நண்பர்களுக்கும் கார்த்திகேயனின் நண்பர் இளையராஜாவுக்கும் இடையே தகராறு ஏற்பட்டுள்ளது.

இதை அருகே நின்ற கார்த்திகேயன் மற்றும் அவரது நண்பர்கள் தட்டிக் கேட்டுள்ளனர். இதனால் இரு குழுவினருக்கும் இடையே தகராறு முற்றி, தாக்கிக் கொண்டனர்.      ஜெயராமன், தனது இடுப்பில் வைத்திருந்த கத்தியை எடுத்து, கார்த்திகேயனைக் குத்தினார். கார்த்திகேயன் சம்பவ இடத்திலேயே இறந்தார். இதுகுறித்து அங்கு திருவிழாவுக்கு வந்திருந்தவர்கள் காவல் துறையினருக்குத் தகவல் தெரிவித்தனர்.

காவல் துறையினர் கார்த்திகேயனின் உடலைக் கைப்பற்றி, பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.

நகர் ஆய்வாளர் செல்வநாதன் வழக்குப் பதிவு செய்து ஜெயராமன், கோவிந்தராஜன், முருகேசன் ஆகியோரைத் தேடி வருகின்றனர். இதில் சம்பந்தப்பட்ட ஜெயராமன் ஏற்கெனவே டாக்ஸி ஓட்டுநர் வீரப்பன் கொலையில் முக்கியக் குற்றவாளியாக உள்ளார்.

செவ்வாய்க்கிழமை காலை மருத்துவமனைக்கு வந்த அறநிலையத் துறை அமைச்சர் பெரியகருப்பன் கார்த்திகேயனின் உடலுக்கு மாலை அணிவித்து அஞ்சலி செலுத்தினார்.

பிரேத ஊர்வலம் சென்றபோது பெரும்பாலான கடைகள் அடைக்கப்பட்டி ருந்தன. நூற்றுக்கும் மேற்பட்ட போலீஸôர் பாதுகாப்புப் பணியில் ஈடுபட்டிருந்தனர்.

தேவகோட்டையைச் சேர்ந்தவர் ஜெயராமன். இவர் அறந்தாங்கி குற்றவியல் நடுவர் மன்றத்தில் நடுவர் த. பன்னீர்செல்வம் முன்னிலையில் புதன்கிழமை சரணடைந்தார். தேவகோட்டை இளைஞர் மு. கார்த்திக் கொலை வழக்கில் போலீஸôரால் தேடப்பட்டவர் ஜெயராமன்  என்று போலீஸôர் தெரிவித்தனர்.

சிவகங்கை மாவட்டம் தேவகோட்டையை அடுத்த கண்டதேவி அருகே உள்ள சிறுமருதூர் கிராமம். இந்த ஊரை சேர்ந்தவர் செந்தில்நாதன். இவர் தற்போது மலேசியாவில் தங்கி வேலை பார்த்து வருகிறார். இவரது சகோதரி கோமதி.

இவர்கள் இருவருக்கும் சொந்தமான காம்ப்ளக்ஸ் ஒன்று ராம்நகர் பகுதியில் உள்ளது. இதனை பிரிப்பது தொடர்பாக செந்தில் நாதனுக்கும், கோமதிக்கும் இடையே பல ஆண்டுகளாக தகராறு இருந்து வருகிறது. இதனால் அந்த ஊரில் செந்தில்நாதனுக்கு ஆதரவாக ஒரு கோஷ்டியும், கோமதிக்கு ஆதரவாக மற்றொரு கோஷ்டியும் செயல்பட்டு வந்தது. அவர்கள் மோதிக் கொண் டது தொடர்பாக இதுவரை 13 வழக்குகள் பதிவு செய்யப்பட்டு கோர்ட்டில் நிலுவையில் உள்ளது.

நேற்று இரவு கோமதி ராம்நகரில் உள்ள காம்ப்ளக்ஸ் கடைக்கு வந்தார். அங்கு திறந்திருந்த கம்ப்யூட் டர் நிறுவனத்தை தனது ஆதர வாளர்களுடன் சேர்ந்து அடித்து நொறுக்கியதாக கூறப்படுகிறது. இதனை எதிர்தரப்பினர் கண்டித்த தால் அங்கு பயங்கர கோஷ்டி மோதல் ஏற்பட்டது. சுமார் 500-க்கும் மேற்பட்டோர் திரண்டிருந்தனர். இந்த பயங்கர மோதலில் கண்ணாத் தாள், பஞ்சு உள்பட 3 பேர் படுகாயமடைந்தனர்.

இது பற்றிய தகவல் கிடைத்ததும் தேவகோட்டை டவுண் போலீசார் அங்கு விரைந்து வந்தனர். அவர்கள் கோஷ்டி மோதலை தடுத்து நிறுத்தினர்.

மேலும் இரு பிரிவினரும் கொடுத்த புகாரின் பேரில் கோமதி, கண்ணாத்தாள், சித்ரா, நர்மதா, பஞ்சு, முத்துக்குமார், கவிதா, காளிமுத்து, கார்த்தியாயினி, ஜானகி ஆகிய 10 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர். தொடர்ந்து அங்கு பதட்டம் நிலவி வருவதால் பாதுகாப்புக்காக துப்பாக்கி ஏந்திய போலீசார் குவிக்கப்பட்டுள்ளனர்.

சிவகங்கை மாவட்டம் முழுவதும்  ஒரே நாளில் போலி மருத்துவர்கள் 10 பேர் கைது செய்யப்பட்டனர்.

பல்வேறு தரப்பிலிருந்தும் வந்த புகார்களைத் தொடர்ந்து, போலீஸôர் வெள்ளிக்கிழமை இந்த அதிரடி நடவடிக்கையை மேற்கொண்டனர்.

ஆர்.ஐ.எம்.பி என்ற பெயரில் போலி சான்றிதழ்களை வைத்துக் கொண்டு ஆங்கில மருத்துவ முறைகளை மேற்கொண்டனராம்.

கைது செய்யப்பட்டவர்கள் விவரம்:

மதகுபட்டி ஜவஹர்லால்,

காரைக்குடி அருள்,அல்போன்ஸ், ராஜு, பரமசிவம், மருதுபாண்டியன்,

திருப்பத்தூர் நிர்மல்குமார், பழனிவேல்,

முறையூர் செல்வம்,

புதுவயல் ராஜ்குமார்.

தேவகோட்டை: தேவகோட்டை அருணகிரிப்பட்டிணத்தை சேர்ந்த கொத்தனார் வீரசேகர்(36). கும்மங்குடியை சேர்ந்த ராமன் மகள் சித்ரா (26). இருவருக்கும் இரண்டு ஆண்டுக்கு முன் திருமணம் நடந்தது. கணவன், மனைவியிடையே கருத்து வேறுபாடு ஏற்பட்டதால், சித்ரா தனது தந்தை வீட்டிற்கு சென்றார்.

கடந்த 15 தினங்களுக்கு முன் தனது மனைவியை அழைத்து வர கும்மங்குடி சென்றார். அங்கு ஏற்பட்ட தகராறில், காயமடைந்த கொத்தனார் தேவகோட்டை அரசு மருத்துவ மனையில் சிகிச்சை பெற்று வந்தார். பின், மதுரை அரசு மருத்துவமனையில் சேர்க்கப்பட்ட அவர், நேற்று முன்தினம் காலில் ஆப்பரேஷன் செய்த சில மணி நேரத்தில் இறந்தார். கொத்தனார் சாவு குறித்து, ஆறாவயல் போலீசார் விசாரிக்கின்றனர்.

தேவகோட்டையில் நேற்று முன்தினம் இரவு 11 மணி முதல் நேற்று அதிகாலை 3 மணி வரை, சூறாவளியுடன் மழை பெய்தது. மரங்கள் விழுந்து, மின்சாரம் தடையானது. நேற்று காலை 8 மணி வரை. மின்சாரம் வரவில்லை.

மணல் திருட்டு

தேவகோட்டை அருகே குருந்தூர் பூலாங்குடி ஆற்றில் மணல் திருடுவதாக அதிகாரிகளுக்கு தகவல் கிடைத்தது. தாசில்தார் சரோஜா, துணை தாசில்தார் நாகநாதன் சோதனை நடத்தினர். மணல் திருடிய இரு டிராக்டர்கள் பறிமுதல் செய்யப்பட்டன.